Астанада Қазақстан журналистер одағының төрағасы, қаржы жымқырды және салықтан жалтарды деп айыпталған Сейітқазы Матаевтың сотында тараптардың жарыссөзі басталды деп хабарлайды Азаттық тілшісі. Есіл аудандық №2 сотында қаралып жатқан іс бойынша Матаевтың ұлы, ҚазТАГ агенттігінің жетекшісі Әсет Матаев та айыпталып отыр. Матаевтар өздеріне тағылған айыптарды мойындамайды.
Сот басталғаннан бері Матаевты қан қысымы көтерілуіне байланысты кем дегенде үш рет жедел жәрдем көлігімен ауруханаға апарды.
Құқық қорғау ұйымдары Матаевтарға тағылған айыптардың саяси астары бар дейді.