АҚШ мемлекеттік хатшысы Джон Керри "Талибанды" таяуда Кабулмен бейбіт келісім жасасқан дала командирі Гулбуддин Хекматиярдан үлгі алып, ауған билігімен жеке бейбіт келісімін жасауға шақырды.
Қазанның 5-і күні Брюссельде Ауғанстанның халықаралық донор елдерінің конференциясында сөйлеген Керри «Талибан" бастаған жанжалды тоқтатудың бір ғана жолы бар" деді.
Керри өткен айда "Хезб-и-Ислами" радикалдық исламшыл тобының басшысы, 1990-шы жылдары Ауғанстандағы азамат соғысының командирі Гулбуддин Хекматиярдың жасаған бейбіт келісімін "іске асуы мүмкін" жол деп атады.
Джон Керри бейбіт келісім - "Талибан" үшін соғысты аяқтаудың, тұрақтылық орнатудың және "халықаралық әскери күштер санын толық қысқартудың" жалғыз жолы екенін айтады.