"Астана" футбол командасы УЕФА-ның клубтық рейтингінде 121-орыннан 110-орынға көтерілді. Қазақстандық "Қайрат" 242-орында "Ордабасы" командасы 298-орында, "Тобыл" 310-орында тұр. Рейтингке 456 команда енген.
"Астана" командасы 24 қарашада Еуропа лигасының топтық кезеңінде кипрлік APOEL клубын 2:1 есебімен жеңген еді. Бұл - Қазақстан клубтарының Еуропа лигасының топтық кезеңіндегі алғашқы жеңісі.
Болгариялық маман Станимир Стойлов жаттықтыратын "Астана" командасы үш жыл қатарынан Қазақстан чемпионатында жеңіске жетті. Биыл Қазақстан премьер-лигасы мен Қазақстан кубогын ұтып алды.