ЭКСПО-2017 халықаралық көрмесінің сатылған билеттерінің ішінде қолдан жасалғаны анықталып жатыр. Мұны билеттерді сатумен айналысқан "Қазпошта компаниясы растады.
- Мұндай билеттердің шығып жатқаны рас. Бұған екі-үш күн болды. ЭКСПО қызметкерлері мен Астана қалалық ішкі істер департаменті тексеру жүргізіп жатыр, - дейді "Қазпоштаның" баспасөз хатшысы Сәуле Мұқашова.
Оның айтуынша, қолдан жасалған жалған билеттерде "Қазпоштаның" мөрі қойылған.
- Бұл біздің билеттер емес. Билеттің көшірмесі. Бұл билеттер тек Шымкенттен шықты, - дейді ол.
"Қазпоштаның" дерегінше, Оңтүстік Қазақстан облысында пошта арқылы 8800 билет сатылған. Жалған билеттер Шымкент қаласы әкімдігі мен қалалық білім бөлімінен сатып алынған билеттер арасынан шыққан.