Жыл басынан бері Астанада 17 бала терезден құлап, үшеуі мерт болған. Бұл туралы Сарыарқа ауданы әкімі Арман Тұрлыбек мәлімдеді.
Бүгін, 24 шілдеден Астанада "Терезені жабыңыз - үйде бала бар" акциясы басталды. Шара барысында әкімдік тұрғындарға түсіндіру жұмыстары жүргізіліп, арнайы рейдтер ұйымдастырылады.
"Ата-аналар терезені қашанда жауып жүру керек. Терезе маңына жиһаз қоймаған жөн және терезеге баланың күші жетпейтін арнайы қорғаныс жүйе орнатқан жөн" дейді Тұрлыбек.
Биыл мамырда Астанада 5 жасар ұл бала терезеден құлап аман қалған.