Теміртау әкімдігі Қарағанды облысы экология департаментіне қаладағы қар түсінің қара болып кеткеніне байланысты ресми сауал жолдаған.
Департамент өкілі Азаттық тілшісіне Теміртау әкімінен ресми хат алғанын, қазіргі уақытта жауап дайындалып жатқанын айтты.
Соңғы бірнеше күнде Теміртау тұрғындары қалаға түскен қардың түсі қара болып кеткеніне наразылық білдірген.Тұрғындар қара түсті қардың суретін әлеуметтік желіге жариялаған.