Біріккен Араб Әмірліктерінің (БАӘ) Қазақстандағы елшілігі Қазақстан азаматтары 10 наурыздан бастап БАӘ-де 30 күнге дейін визасыз жүріп-тұра алатынын хабарлады.
Елшіліктің Twitter-дегі парақшасында «Қазақстан халқын 10 наурыздан бастап Қазақстан азаматтары үшін БАӘ-де 30 күнге дейін визасыз болу режимі күшіне енетінімен құттықтаймыз» деп хабарланды.
Поздравляем дружественный народ Казахстана с тем, что с 10 марта вступает в силу безвизовый режим для граждан Казахстана сроком пребывания в Объединенных Арабских Эмиратах до 30 дней. Желаем приятного пребывания в ОАЭ pic.twitter.com/mrcxKiYp4z
— UAE Embassy Astana (@UAEEmbAstana) 8 февраля 2018 г.
Бұған дейін Қазақстан сыртқы істер министрі Қайрат Әбдірахманов 2017 жылы БАӘ-мен «барлық төлқұжат түрі бойынша» визасыз сапарлау туралы келісім жасалғанын хабарлаған. Келісімді БАӘ-нің барлық әмірліктері мақұлдауы тиіс.
Қазақстан үкіметінің 2012 жылдың 21 қаңтарындағы №148 қаулысы бойынша, БАӘ азаматтары Қазақстанда визасыз 30 күнге дейін бола алады.