АҚШ Мемлекеттік департаменті Ресейдің осы елдегі істердегі уақытша сенім жүктелген өкілі Дмитрий Жирновты АҚШ-тың ішкі шаруаларына Ресейдің ықтимал араласуы туралы іс бойынша шақыртқан. Бұл туралы тамыздың 5-і күні Мемлекеттік департаменттің өкілі Хизер Нойерт хабарлаған.
We applaud @facebook’s actions targeting malign activity and demand that #Russia and other actors immediately cease their reckless behavior fomenting division and violence. We will not tolerate foreign, incl. Russian, attempts to subvert our democratic processes and institutions. pic.twitter.com/ijbIvYCKMz
— Heather Nauert (@statedeptspox) August 2, 2018
Нойерттің сөзінше, Мемлекеттік департамент "Кремльдің әлеуметтік желідегі тіркеу жазбаларын зорлық-зомбылықты насихаттауға және АҚШ-тың ішінде жік салуға пайдалану әрекеттері туралы" түсініктеме алғысы келеді.
Бұған дейін Вашингтон Мәскеуден АҚШ-тың ішкі шаруаларына араласуды доғаруды талап еткен. Ондай талапты Facebook әлеуметтік желісінің биыл қарашада өтетін АҚШ Конгресі сайлауы алдында америкалық қоғамға ықпал ету әрекеттері жасалып жатқаны туралы мәлімдемесінен кейін іле-шала қойған.
Мәскеу шет мемлекеттердің ішкі шаруаларына араласқаны туралы сөздерді жоққа шығарады.