Ауа райының бұзылуына байланысты сенбінің кешінен бастап Астана мен бес облыста жолдар жабылған. Қар аралас жаңбыр, көктайғақ пен ұйытқыған желге байланысты Астанадан Қарағанды, Қорғалжың мен Қабанбай батыр ауылына қатынайтын автокөлік жолдары жабық тұр деп хабарлайды қала әкімдігінің баспасөз қызметі.
Қарашаның 24-і күні сағат 18:00-де Павлодар облысында республикалық және облыстық мәндегі бірқатар жолдар жабылды деп хабарлайды Қазақпарат. "Алматы - Өскемен" (79-615 шақырымы) және "Сарыөзек - Көктал" (15-65 шақырымы) бағытындағы жолдарда көлік қозғалысы тоқтатылған. Жамбыл облысында "Алматы - Ташкент - Термез" автокөлік жолының Айша бибі ауылынан Түркістан облысы шекарасына дейінгі және Жамбыл облысы шекарасынан Жаскешу ауылына дейінгі бөлігі жабылған.
Сонымен бірге Шығыс Қазақстан және Қарағанды облыстарындағы кей жолдарда көлік қозғалысына шектеу енгізілген.