Македония мемлекеті атауын Солтүстік Македония деп өзгерту туралы бұған дейін қабылданған шешім 12 ақпанда ресми түрде күшіне енді. Осының қарсаңында мемлекеттік құрылымдар логотиптерін жаңартуға кіріскен еді.
If it’s official on Facebook, it’s official everywhere. The Macedonian government updates its profile pic to Republic of North Macedonia 🇲🇰 😊 pic.twitter.com/cltb6djEJA
— Tanja Milevska (@MilevskaTanja) February 12, 2019
Бұрынғы Югославия құрамында болған Македония республикасының парламенті биыл қаңтарда конституцияға ел атауын Солтүстік Македония республикасы деп өзгерту туралы өзгеріс енгізуді мақұлдаған. Қаңтардың соңында Грекия парламенті бұл туралы екі ел арасында қол қойылған хаттаманы бекіткен.
1991 жылы Югославия тарағаннан кейін тәуелсіздік алған Македония атауына байланысты Грекиямен арада дау шыққан. Македония – Грекияның солтүстігіндегі өлкенің бағзы заманнан бергі тарихи атауы деген уәжді алға тартқан Грекия НАТО мен Еуропа Одағына мүше болғысы келетін Македониямен ол жөнінде келіссөздер өткізуге тосқауыл қойып келген.
6 ақпанда Брюссельде Солтүстік Македонияны НАТО-ға қабылдау туралы хаттамаға қол қойылды.