Қазақстанның тұңғыш президенті Нұрсұлтан Назарбаев ресейлік бизнесмен, миллиардер Әлішер Усмановты "Достық" орденімен марапаттады деп хабарлады Ақорда сайты 11 мамырда.
Ақорданың баспасөз қызметі таратқан шағын хабарламаға сәйкес, І дәрежедегі "Достық" ордені USM Holdings компаниясының негізін қалаушы Усмановқа "Қазақстан мен Ресей арасында достықты нығайтып, экономикалық әріптестікті дамытуға қосқан елеулі үлесі" үшін беріліп отыр.
Өзбекстанда туған Әлішер Усманов - Ресейдегі ең ауқатты азаматтардың бірі. Forbes есебінше, оның байлығы өткен жылы 12,6 миллиард долларды құраған.
2018 жылы қаңтар айында АҚШ-тың қаржы министрлігі әзірлеген "Кремль баяндамасында" Ресей президенті Владимир Путин мен "Ресей үкіметіне жақын олигархтар" тізімінде оның да аты аталды.