Қазақстан президенті Қасым-Жомарт Тоқаев БҰҰ Бас ассамблеясының 74-сессиясына қатысуға Нью-Йоркке (АҚШ) барды. Бұл туралы 23 қыркүйекте қазақстандық мемлекеттік телеарналар хабарлады.
25 қыркүйекке дейін жалғасатын сапар барысында Тоқаев БҰҰ бас хатшысы Антониу Гутерришпен, кейбір мемлекет және үкімет басшыларымен, халықаралық ұйым жетекшілерімен, ірі компания өкілдерімен және басқалармен кездеседі деп жоспарланған деп жазды президенттің баспасөз хатшысы Берік Құрманғали Facebook әлеуметтік желісіндегі парағында.
БҰҰ Бас ассамблеясы 74-сессиясының жұмысына ұйымға мүше 196 елдің делегациясы, жүзге жуық мемлекет басшылары, 80-нен астам үкімет және сыртқы саясат мекемелерінің жетекшілері қатыспақ.
Қазақстан президенті БҰҰ бас ассамблеясының "Кедейлікті жою, сапалы білім беруді және климатты сақтау іс-қимылдары мен жан-жақты тәсілдерді ілгерілету үшін көпжақты күш-жігерді шоғырландыру" тақырыбымен өтетін жалпы пікірсайысында баяндама жасайды деп хабарланды.
Қазақстан президенті ретінде Қасым-Жомарт Тоқаев АҚШ-қа алғаш рет сапармен барды. Ол бұрын БҰҰ бас хатшысының орынбасары болып істеген.