Челябинск соты (Ресей) АҚШ-тағы президент сайлауында жеңген Джо Байденнен көмек сұрап, видеомәлімдеме таратқан қала тұрғыны Валентина Волковаға 20 мың рубль айыппұл салды. Оған қоғамдық шара өткізу ережесін бұзды деген айып тағылды.
12 желтоқсанда арасында Волкова бар 16 тұрғын Байденге арнап видео түсіріп, қаланың нашар экологиялық ахуалына халықаралық қауымдастық назар аударуы үшін көмектесуін өтінген. Наразылар Ресей билігі бұған назар аудармайды деп шағымданған.
Кейінірек Волкова ақпарат құралдарына "тұрғындар Ресей мен халықаралық қауымдастыққа үндерін осындай амал арқылы жеткізгісі келді" деген.
"Менің ойымша, мақсатымызға жеткен сияқтымыз" деді ол сот шешімінен кейін. Белсенді сот шешімін апелляцияға беретінін, одан түк шықпаса адам құқығы жөніндегі Еуропа сотына жүгінетінін айтты.