Үндістанда коронавирустан 400 мың адам қайтыс болды. Биліктің мәлімдеуінше, 30 маусымда бір күнде 900 адам коронавирустан қайтқан. Елде 30 миллион адам вирус жұқтырған.
Үндістанда жауын-шашын маусымы басталып, жағдайды одан сайын қиындатып жіберді. Коронавирустан қайтыс болған адамдардың мүрделерін су шайып, олар Ганг өзенінде ағып жүр. Хабарларға қарағанда, бұл адамдар биыл көктемде коронавирустан қайтқан. Сол кезде тұрғындардың көбі аурудан қайтыс болған туыстарының денесін өртей алмай, кедейлер мүрделерді суға ағызған, немесе құмды жерге көмген.
Жергілікті тұрғын Раджу Чандалдың айтуынша, "Ганг өзенінің деңгейі көтерілген уақытта, оның жағалауында терең емес көрге жерленгендердің мүрделері су бетіне қалқып шығып жатыр. Мүрде қалдықтарын қарғалар мен қаңғыбас иттер жейді".
Үндістандағы Аллахабад қаласы билігінің мәлімдеуінше, маусым айында Ганг өзеніне қалқып шыққан 150 мүрде өртелген.
Үндістанда дәстүр бойынша мүрдені өртеп, оның күлін суға тастайды. Мұндай ғұрып 100 доллар тұрады. Үндістандағы кедейлерде мұндай ақша жоқ. Сол себепті олар қайтыс болған туыстарын қасиетті саналатын Ганг өзенінің жағалауына жерлейді.
Үндістанда 1,3 миллиард адам тұрады. Ол коронавирустан ең қатты зардап шеккен мемлекет.
ОҚИ ОТЫРЫҢЫЗ Коронавирустың қайдан шыққаны туралы дау қайта өршіді. Бұған не себеп?