Қырғызстан сыртқы істер министрлігі Ауғанстандағы соңғы жағдайлардан Тәжікстанға қарай қашқан қырғыздар туралы мәлімет таратты.
Онда памирлік қырғыздар туралы мәлімет тексеріліп жатқанын, аймақтағы талаптың қаталдығынан, байланыстың нашарлығынан қандай да бір нақты мәлімет ала алмай жатқаны айтылады. Соған қарамастан ауған қырғыздарын Қырғызстанға алып келуге әрекет жасалып жатқаны атап өтілген.
"Қырғызстанның СІМ ауған қырғыздарына байланысты БҰҰ-ның тиісті мекемесіне хат жолдады. Ауған қырғыздарын тәжік-қырғыз шекарасынан тосқауылсыз өткізу өтінішімен Тәжікстанға нота жолданды" деп айтылады мәліметте.
Сонымен бірге бұл мәселе президенттің, үкіметтің бақылауында екені жазылған.
Осының алдында Тәжікстанның шекара қызметі Ауғанстанда тұратын 340-тан астам этникалық қырғыздың мал-жанымен тәліптерден қашып келгенін хабарлаған. Жолда екі сәби шетінеген.
Ауғанстанда "Талибан" қозғалысы бірнеше аптаның ішінде ондаған ауданды үкімет күштерінен тартып алды. АҚШ басқаратын халықаралық күштер Ауғанстандағы әскерін әкете бастағанда, қозғалыс содырлары жаңа аудандарды басып алып жатыр.
ОҚИ ОТЫРЫҢЫЗ
Памир қырғыздары азаматтық сұрайдыТашиев: Қырғызстан Тәжікстанның Ауғанстанмен шекарасына қауіп төнсе, көмектесуге міндетті"Ауғанстанда жұрт зорға өмір сүріп жатыр". Кабул қазағы елдегі жағдай жайлы не дейді?"Тәліптермен соғысу өлімге бас тіккенмен бірдей". Ауған сарбаздары Тәжікстанға қалай қашты?Тәліптер келе жатыр. Орталық Азия мен Ресейге қауіп бар ма?