Түркияның оңтүстігінде Ресей қорғаныс министрлігінің Бе-200 өрт сөндіруші амфибия ұшағы құлады. Ұшақ бортында Ресейдің бес әскери қызметкері мен үш түрік маманы болған. Бәрі қаза тапты.
Апат алдында ұшақ Түркияның орман шаруашылығы басқармасының қарауында болып, орман өртін сөндіруге жұмылдырылған. Оны елдің оңтүстігіндегі Алмалы ауданындағы өртті сөндіруге қолданған деп хабарлады "Анадолу" агенттігі.
Rusya%27dan kiralanan ve yangın söndürme faaliyetleri sırasında #Kahramanmaraş%27ta düşen Be-200 tipi uçağın tepeye çarptığı anlar. https://t.co/ysNPgrobpg pic.twitter.com/sTVIgamreR
— Gündeme Dair Her Şey (@gundemedairhs) August 14, 2021
Апаттың себебі белгісіз. Куәгерлердің видео жазбаларына қарағанда, ұшақ өрт аумағына су төккен соң, тауға барып соқтыққан.
Түркия сыртқы істер министрі Мевлют Чавушоглу Twitter-де осы оқиғаға байланысты көңіл айтты.
С глубоким прискорбием узнал о гибели турецкого и российского экипажа в трагической авиакатастрофе, произошедшей во время тушения пожара в Кахраманмараше. Выражаем наши соболезнования турецкому и российскому народу. Их героические жертвы не будут забыты!
— Mevlüt Çavuşoğlu (@MevlutCavusoglu) August 14, 2021
Апат орнынан Ресей қорғаныс министрлігінің комиссиясы жіберілді. Совет ұшқышы Александр Мамкиннің құрметіне аталған ұшақ 2020 жылдың ақпанынан бастап қолданыла бастаған.
Ресей президенті Владимир Путин қаза тапқандардың туыстарына көңіл айтып, қорғаныс министрі Сергей Шойгуға марқұмдарды мемлекеттік марапата ұсынуды тапсырды.
Апатқа ұшыраған Бе-200 ұшағы Краснодар өлкесі Қырым қаласының аэродромында болған. Түркияға оны шілденің басында жолдаған.