Қырғызстанның ұлттық қауіпсіздік жөніндегі мемлекеттік комитеті (ҰҚМК) бұрынғы президент Сооронбай Жээнбековті тергеп жатыр. Бұл жөнінде ведомствоның баспасөз қызметі хабарлады. Ақпаратқа қарағанда, Жээнбеков "Құмтөр ісі" бойынша тергеуге шақырылған.
Экс-президент өкілінің айтуынша, ол ҰҚМК бас тергеу басқармасынан 12 тамызда тергеуге шақыру алған. Оған премьер-министр болып тұрған кездегі Құмтөр кенішіне байланысты сұрақтар қойылған. Жээнбеков алғаш рет ҰҚМК тергеуіне тамыз айында барған.
Экс-президенттің өкілі Жээнбековтің премьер-министр немесе президент болып тұрған тұста Құмтөр кенішіне байланысты ешқандай шешім немесе құжат қабылдамағанын айтты.
Бұған дейін "Құмтөр" кенішіндегі "жемқорлық" фактілеріне байланысты қазіргі және бұрынғы шенеуніктер ұсталған. Арасында бұрынғы премьер-министрлер Өмірбек Бабанов, Жомарт Оторбаев, депутаттар Асылбек Жээнбеков, Талантбек Узакбаев, Исхак Пирматов бар.
Сооронбай Жээнбеков 2016 жылдың сәуірі мен 2017 жылдың тамызына дейін премьер-министр қызметін атқарған.
ОҚИ ОТЫРЫҢЫЗ
Билікті нығайту ма, жемқорлықпен күрес пе? Қырғызстанда бұрынғы басшылар неге ұсталып жатыр?Қырғызстан экс-президенті Асқар Ақаев Бішкекке оралды, оны ҰҚМК-да тергеп жатырАсқар Ақаев "Құмтөр" бойынша қырғыз халқынан кешірім сұрап, артынан Мәскеуге ұшып кеттіАсқар Ақаев Қырғызстанға "Құмтөрді" қайтаруға көмектесе ала ма?Қырғызстанда "Құмтөр ісі" бойынша тағы бір экс-премьер ұсталды