Тәжікстанда рақымшылық алған шамамен 16 мың адамның алғашқы легі түрмеден шықты.
Мұның алдында Тәжікстан парламенті президент Эмомали Рахмон ұсынған "Рақымшылық туралы" заңды мақұлдаған. Тәжікстан тәуелсіздігінің 30 жылдығына орай жарияланған жаппай рақымшылық аясында 10 мыңнан астам адам бостандыққа шығып, алты мыңға жуық адамның жазасы жеңілдейді.
Адам құқықтарын қорғаушылар рақымшылыққа саяси тұтқындар кірмей қалғанын мәлімдеді. Екі айда 10 мыңнан астам адам түрмеден шығады.
Озоди радиосының хабарлауынша, сейсенбі күні Явандағы түрмеден 605 адам бостандыққа шықса, Нуректегі әйелдер колониясында ондаған адам босатылған. Бохтардағы колониядан да сейсенбі күні бірнеше жазасын өтеуші еркіндікке шыққан.
Жақында Душанбедегі колония да рақымшылық алғандарды бостандыққа шығара бастайды.
ОҚИ ОТЫРЫҢЫЗ
"Шекарасыз тілшілер" ұйымы тәжік билігінен қамаудағы журналисті босатуға шақырдыТүркіменстан президенті 2 мыңнан астам тұтқынға рақымшылық жарияладыӨзбекстан президенті Конституция күніне орай 104 тұтқынға рақымшылық жарияладыРақымшылыққа "саяси тұтқындар" іліге ме?