Беларусь ішкі істер министрлігі оппозициялық Nexta, Nexta-Live және Luxta телеграм-арналарын "экстремистік құрылымдар" тізіміне енгізді.
"ІІМ Nexta, Nexta-Live және Luxta телеграм-арналары арқылы экстремистік әрекетпен айналысатын азаматтар тобын экстремистік топ деп танып, қызметіне тыйым салу туралы шешім қабылдады" деді ведомство өкілдері.
Осыған дейін аталған арналар "экстремистік мазмұндағы ақпарат тарататын" интернет-ресурс деп танылған. Енді олар "экстремистік құрылымдарға" айналды.
13 қазанда Беларусь ІІМ "экстремистік" телеграм-арналар мен чаттарға жазылғандарды қылмыстық жауапкершілікке тартатынын да мәлімдеді.
Кейін ведомство жетекшісі "экстремистік құрылым" деп танылған телеграм-арна оқырмандары қылмыстық жауапкершілікке тартылуы мүмкін екенін, ал "экстремистік мазмұндағы материал" таратты деп танылған арналарға жазылушылардың жазаланбайтынын айтты.
Nexta, Nexta-Live және Luxta телеграм арналарының шамамен 1,5 млн оқырманы бар.
ОҚИ ОТЫРЫҢЫЗ
Лукашенко енді Telegram-арналарымен бірге олардың оқырмандарын да қудалап отырМинскіде оппозициялық телеграм-арнаға жазылғандарды түрмеге отырғызадыҮрей мен үміт: Беларусь сайлаудан кейін қалай өзгерді?