Алматыда миллионыншы тұрғынға коронавирусқа қарсы вакцина салынды. Бұл жөнінде қала әкімі Бақытжан Сағынтаев Твиттерде хабарлады.
"Медициналық ақпарат жүйесінің мәліметі бойынша, Алматыда миллионыншы болып Самал Оқапова есімді азамат коронавирусқа қарсы вакцина салдырған. Денсаулығындағы ерекшеліктерге қарамастан, ол өзі мен жақындарын қорғау үшін вакцина салдырды. Мұндай саналы әрекет қуантады және өзгелерге үлгі" деп жазды шенеунік.
Медициналық ақпараттық жүйенің мәліметінше, Самал Оқапова Алматыда коронавирусқа қарсы екпе алған миллионыншы тұрғын. Денсаулығындағы кінәратқа қарамастан ол өзін әрі жақындарын қорғау үшін вакцина алды. Бұл әрекеті көпшілікке үлгі болары анық.
— Бакытжан Сагинтаев (@sagintayev_b) November 6, 2021
Қазақстан денсаулық сақтау министрлігінің мәліметінше, елде 7,6 млн адам коронавирусқа қарсы вакцинаның толық дозасын алған. 700 мыңы екінші дозасып күтіп отыр.
Министрлік кейінгі кезде елде індеттің бәсеңдеп, эпидемиологиялық ахуалдың тұрақталғанын айтқан. Қазір күніне орташа есеппен 1300-1500 науқас тіркеліп жүр. 5 қарашада 1328 адамның анализінен коронавирус анықталған. 177-і Алматыда тіркелген.
ОҚИ ОТЫРЫҢЫЗ ДДСҰ: Еуропа мен Орталық Азия тағы да "коронавирус індеті ошағына айналды"