АҚШ президенті Джо Байден мен Қытай басшысы Си Цзиньпин телефонмен ұзақ әңгімелесті. Еркін Азия радиосы үш сағаттан астам уақытқа созылған диалог жөнінде "Байден мен Си видеосаммиті ірі қайшылық жағдайында жылы атмосферада өтті" деген тақырыпта мақала басты. Екі басшы Тибет, Гонконг, Шыңжаң мәселесін талқылаған.
Екі ірі держава арасындағы "сауда соғысы да" айтылған. Пекиннің демократиялық Тайвань аумағына қол сұғуы да сөз болған. Қытай коммунистік партиясының адам құқығын бұзуына да назар аударылған.
Сарапшылар 2021 жылы қаңтарда Джо Байден Ақ үйге келгелі бері екі басшының алғаш рет ұзақ сөйлескенін айтып отыр.
Ақ үйдің келіссөз қорытындысы жөнінде таратқан мәлімдемесінде АҚШ өз мүдделері мен құндылықтарын бұдан әрі қарай да қорғай беретіні жазылған. Вашингтон одақтастары мен әріптестерімен бірге 21-ғасырда ережелердің сақталуын қамтамасыз етуге күш салады.
"Америка дауысы" сайты Байден Тайвань бойынша алдыңғы мәлімдемесін сәл жұмсартқанға ұқсайды деп топшылайды. Мәселен, Ақ үй АҚШ "бір Қытай" саясатын қолдайды, Тайвань тәуелсіздігі мен "Тайвань бұғазында бейбітшілік пен тұрақтылыққа нұқсан келтіретін біржақты әрекетке қарсы" деп мәлімдеген.
ОҚИ ОТЫРЫҢЫЗ
Джо Байден мен Си Цзиньпин кездесер қарсаңда Вашингтон Тайваньдағы ахуалға алаңдады Тайвань сыртқы істер министрі Қытаймен жақын қатынастағы елдерді сақ болуға шақырдыГенерал Милли Қытайдың гипердыбыстық зымыранды сынағанына алаңдадыДжо Байден: АҚШ Тайванды қорғауға міндетті43 ел Қытайды Шыңжаңға бақылаушыларды кіргізуге шақырды