Түркіменстан билігі жаңа президент Сердар Бердімұхамедовтен жаңа культ жасауға барынша тырысып жатыр. Мәселен, Балқан уәлаятында мемлекет басшысына арналған ода өлеңдерге байқау жарияланды.
Жеңімпаздарға үлкен сыйлық беріледі деп уәде етіп отыр дейді Азатлык радиосының батыс өңірдегі тілшісі.
Бұл жайында тілшіге хабарлаған бюджеттік мекеме қызметкері байқауды жергілікті білім және мәдениет басқармасы ұйымдастырып отырғанын айтқан.
"Жергілікті билік уәлаят ақындарына үміт артып отыр. Олар ұнаған өлеңге ән жазып, республика деңгейінде хит жасауға уәде етіп отыр. Осылай президент алдында өңірдің беделін көтергісі келеді",- дейді аты-жөнін жасырған білім саласының қызметкері.
Таяуда ғана бұл өңірге ресми сапармен барған президент жаңа аурухананың тұсауын кескен. Дереккөздің айтуынша, сол кезде жаңа басшыға өзін қошеметпен күтіп алу деңгейі ұнамаған. Енді жергілікті билік соның орнын жабу үшін, президентті мадақтауға арналған жыр байқауын өткізіп жатыр.
Биыл Түркіменстанда наурыз айында кезектен тыс "президент сайлауы өтіп", Гурбангулы Бердімұхамедов өзінің орнын 40 жастағы ұлына қалдырып кеткен.
ОҚИ ОТЫРЫҢЫЗ
Түрікменстан "арқадағы" Гурбангулы Бердімұхамедов президент ұлынан рұқсат сұрап, еңбек демалысына шықты Билікті әкеден балаға ұстату. Түрікменстан президентінің ұлы Сердар Бердімұхамедов Түрікменстан президенті бола салдыТүркіменстанның мемлекеттік мекемелерінде жаңа президенттің портреті іліне бастады Түрікменстан президенті болғысы келетін Сердар Бердімұхамедов кім?