Нидерланд қауіпсіздік қызметі Гаадағы халықаралық қылмыстық сотқа жұмысқа тұрмақшы болған Ресей барлау қызметі (ГРУ) тыңшысын әшкерелегенін хабарлады.
Қауіпсіздік қызметі жариялаған ақпарат бойынша, ресейлік агенттің аты-жөні - Сергей Владимирович Черкасов (1985 жылы туған), ол 1989 жылы туған Виктор Мюллер Ферейра деген адамның атына берілген Бразилия құжатын пайдаланған.
Нидерланд билігі Черкасовты өзге мемлекеттің аумағында жасырын іс-әрекет еткен ресейлік барлау агенті деп сипаттайды. Арнайы дайындықтан өткен мұндай тыңшыларды әшкерелеу аса қиын іс саналады.
Ресей тыңшысы қалай әшкереленгені айтылмады.
Бразилия полициясы Черкасовтың 2010 жылы Рио-да-Жанейроға келіп, жұртқа өзін бразилиялықпын деп таныстырғанын хабарлады. Виктор Мюллер Ферейра деген адамның аты-жөнін бүркенген ол бірнеше жыл Ирландия мен АҚШ-та тұрған. Кейін Бразилияға оралып, Нидерландқа кетуге дайындалған. Онда барған соң, халықаралық қылмыстық соттың алдын ала тергеу бөліміне кіші талдаушы қызметіне стажер болып орналасқан.
Ресей билігі бұған байланысты әзірге пікір білдірген жоқ.
ОҚИ ОТЫРЫҢЫЗ
"Қастандық, у беру, саботаж". ГРУ-дың 29155-әскери бөлімі немен айналысады?Bellingcat: Владимир Кара-Мурзаның улануына ФСБ қызметкерлерінің қатысы барBellingcat: Скрипальге шабуыл операциясын ГРУ офицері қадағалағанЛитвада "Ресей барлау қызметіне жұмыс істеді" деген күдікпен бірнеше адам ұсталдыАвстрияда "Ресей тыңшысы" ұсталды