6 қазанда Запорожьеге жасалған зымыран соққысынан 11 адам қаза болды, үйінді астында қалған 21 адам құтқарылды. Бұл жөнінде Украина төтенше жағдай мемлекеттік қызметі хабарлады.
Ведомствоның мәліметінше, қалада кемінде екі тұрғын үй қираған. Бірінде үйінді астынан алты адам құтқарылған, бесеуі ауруханаға жатқызылған. Сол жерден сегіз адамның денесі табылған. Құлаған екінші үйден үш адамның денесі табылған, құтқарылған 15 адамның сегізі ауруханаға жеткізілген. Ведомство қазір зымыран соққысының салдарын жою жұмыстары жүріп жатқанын хабарлады.
Запорожьеге зымыран соққысы 6 қазанда таңертең жасалған. Запорожье облысының басым бөлігі орыс күштерінің бақылауында қалып отыр. Аймақтағы екі ірі қала Запорожьені орыс армиясы басып ала алмады.
Ресей жағы зымыран соққысына түсініктеме берген жоқ. Мәскеу Украинаның азаматтық нысандарына соққы жасағанын әлі күнге дейін мойындамай келеді. Азаматтық нысандарды қирату халықаралық нормада әскери қылмыс саналады.
3 қазанда БҰҰ Ресей Украинаға басып кіргелі қаза болған бейбіт азаматтардың саны 6114-ке жеткенін хабарлаған. Ұйым дерек тым төмендетіп көрсетілген болуы мүмкін және жиі жаңарып жатыр деп ескертеді.
ОҚИ ОТЫРЫҢЫЗ
Мәскеу "шамданды", Астана "түсініспеушілік танытты". Украина елшісінің сөзінен шыққан шуСІМ: Қазақстан Украинадағы "референдумға" бақылаушы жіберген жоқУкраина жалған референдумға байланысты БҰҰ шұғыл жиынын өткізуді талап еттіМобилизациядан не пайда? Путиннің дөң-айбаты не береді? Сарапшылар пікірі Путин Украина шығысы мен оңтүстігіндегі аймақтарды аннексиялау туралы заңға қол қойды