Вашингтонда орналасқан Freedom Now үкіметтік емес ұйымы тіркелмеген "Демократиялық партия" жетекшісі Жанболат Мамайға шыққан сот шешімінің күшін жою және оған қатысты барлық шектеуді алып тастау жөнінде Қазақстан билігіне үндеу жасады.
10 сәуірде Алматы қаласындағы Бостандық ауданының № 2 соты "Қаңтар оқиғасы кезінде жаппай тәртіпсіздік ұйымдастырды" деген айыппен Жанболат Мамайға алты жыл шартты жаза кескен. Саясаткер бұл айыпты мойындамаған.
ОҚИ ОТЫРЫҢЫЗ 6 жыл шартты жаза, қоғамдық-саяси қызметпен айналысуға тыйым. Жанболат Мамайға үкім шықтыFreedom Now ұйымының атқарушы директоры Маран Тернер дүйсенбідегі мәлімдемесінде Жанболат Мамайға шыққан үкімді "Қазақстан билігін сынамауға мәжбүрлеу үшін қозғалған істің шарықтау шегі" деп сипаттаған. Оған алты жылға дейін қоғамдық-саяси жұмыспен, журналистикамен, пулицистикамен айналысуға, қоғамдық бірлестіктер жұмысына қатысуға тыйым салынғанын Тернер "заңды әрі бейбіт саяси қызметпен айналысуға тосқауыл қою үшін жасалған әрекет" деп есептейді.
Үкім әзірге заңды күшіне енген жоқ. Кеше Жанболат Мамай сот шешіміне келіспей, апелляциялық сотқа арызданатынын мәлімдеген. Заң бойынша, сот үкімі 15 күнде күшіне енеді. Судья сот үкімі күшіне енгенше Жанболат Мамай үйқамақтан шығарылмайтынын хабарлаған.
ОҚИ ОТЫРЫҢЫЗ Белсенді Жанболат Мамай соттағы соңғы сөзінде: Менің орнымда елді 30 жыл тонағандар отыруға тиіс еді