Украинада дрон жөндеп, қызмет көрсететін кәсіпорын құрылысы басталады. Бұл жөнінде Украина қорғаныс министрлігі хабарлады. Ол үшін Түркиямен келісімге қол қойылған.
Бұған дейін, шілденің басында Украина БАҚ-тары Baykar компаниясы Украинада Bayraktar дронын жасайтын зауыт салуға кіріскенін хабарлаған.
Дрон өндірісін ұлғайта түскені Украинаның Ресей басқыншылығына қарсы тұруына септігін тигізеді деп жазады "Америка дауысы". Украина премьер-министрінің орынбасары Михаил Федоровтың сөзіне қарағанда, Украинада қазірдің өзінде 10 мыңнан астам дрон операторы дайын. Тағы да он мыңы дрон операторлығын оқып жатыр.
Reuters агенттігі Ресей басқыншылығы кезінде Украинаның да, Ресейдің де әскері барлау мен соққы беруге алуан түрлі дрон пайдаланғанын атап өткен.