Украина әскерінің Бердянск пен Мариупольға баратын жолын жауып тұрған Донецк облысындағы Урожайное селосынан Ресей әскері шегінген. Мұны Ресей соғыс блогерлері жазған.
Кейінгі күндері Урожайное селосы үшін ауыр шайқас жүрген. Украина күштері селосының солтүстігінен кірген, Ресей әскері оңтүстігінде қалған. Американың соғысты зерттеу институты майдан алаңынан жарияланған кадрлар Украинаның бұл аймақты алға жылжығанын растайды деп хабарлады.
Ресей қорғаныс министрлігі Урожайноеға жасалған шабуылды тойтарғанын мәлімдеді. Кейбір дереккөздер селоны қазір Ресей күштері бақылап тұрғанын айтады. Киев бұл жөнінде ақпарат таратпаған.
DeepState жобасының картасына қарағанда, село әзірге "сұр зонада" тұр.