Орталық сайлау комиссиясына мәжіліс депутаты Ғалымжан Елеуовтен өкілетін мерзімінен бұрын тоқтату туралы өтініш түсті. Бұл жөнінде ОСК хабарлады.
Оның өтініші бүгін, 1 қыркүйекте мәжілісте қаралады. Оның мәжілістен кетуіне не түрткі болғаны айтылмайды.
45 жастағы Ғалымжан Елеуов мәжілістің VII және VIII шақырылымдағы депутаты болған. Экология және табиғатты пайдалану мәселелері, экономикалық реформа мен аймақты дамыту жөніндегі комитеттерге мүше болған.