Израиль әскері жексенбі күні Газа секторындағы әскери операцияларының ауқымын әрі қарай да арттыра беретінін мәлімдеді. Аумақтың солтүстігінде ХАМАС жасақтарымен шайқас болғаны, екі израильдік жауынгер жараланғаны хабарланды. Өткен тәулікте Газадағы ХАМАС-тың нысандарына 450-ден астам әуеден соққы жасалған. Бұған қоса, секторға қосымша жүздеген солдат пен ондаған әскери техника жіберілген.
Ground Operations by the Israel Defense Force inside of the Northern Gaza Strip were Expanded even more last night with Hundreds of additional Troops and several Dozen Armored Vehicles said to have cross the Border into the Strip; these Forces alongside the Israeli Air Force are… pic.twitter.com/3vQoNM9auR
— OSINTdefender (@sentdefender) October 29, 2023
Операция ауқымының "ұлғайғандығы" жөнінде Израиль жұма күні хабарлаған. Дегенмен құрлық операциясының ауқымы белгісіз. Израиль әскері секторда бұрын ХАМАС қарамағында болған қандай да бір тұрғын үй ауданын бақылауға алғаны жөнінде хабар түскен жоқ. Израиль әскерінің Газа секторының солтүстік бөлігіне енгенін айғақтайтын видеолар бар.
Израиль әскері Газа секторы тұрғындарын уақытша оңтүстікке қоныс аударуға шақырып жатыр. Дегенмен The New York Times жазуынша, мәселе ірі құрлық операциялары туралы болып отырған жоқ. Тель-Авив АҚШ-пен келісіп, шектеулі операция жүргізіп отыр. Бірақ бұл ақпарат ресми түрде расталған жоқ.
7 қазанда ХАМАС Израильге шабуылдағаннан кейін Израиль мен ХАМАС, палестиналық радикалды топтар арасында жағдай күрт ушыққан.
Сол жақта жүрген халықаралық ұйымдар Газада гуманитарлық апат орнағанын айтады. Аймақ электр энергиясынан ажыратылған, отын, су, азық-түлік және өзге де қажетті заттар тапшы. БҰҰ-ның палестиналық босқындарға көмек агенттігінің мәліметінше, жексенбі күні бірнеше мың адам азық-түлік пен өзге де тауарлар сақталатын агенттіктің Газадағы қоймаларына басып кірген.
Жексенбі күні Газадан ақпарат таратып жүрген бірқатар журналистер аймақта жұма күні толық өшірілген интернет жартылай істей бастағанын хабарлады. Бұған дейін SpaceX жетекшісі Илок Маск Газада істеп жатқан халықаралық агенттіктерін Starlink терминалдары арқылы байланыспен қамтамасыз ете алатындығын мәлімдеген. Бұл идеяны Израиль күрт сынап, терминалдарды ХАМАС тобы да пайдаланып кетуі мүмкін деп қауіптенген. Маск жексенбі күні таңертең Starlink-ті пайдалану мәселесі АҚШ және Израильмен келісілетінін және тек гуманитарлық мақсатта ғана пайданылатынын айтты.
We are not so naive. Per my post, no Starlink terminal has attempted to connect from Gaza. If one does, we will take extraordinary measures to confirm that it is used *only* for purely humanitarian reasons.Moreover, we will do a security check with both the US and Israeli…
— Elon Musk (@elonmusk) October 28, 2023
АҚШ пен Ұлыбритания және өзге елдерде сенбі күні палестиналықтарды қолдау акциясы өтті. Стамбулда биліктің есебінше, митингіге миллионнан астам адам қатысқан.