Чехияда 23 желтоқсан Прагадағы Карлов университетінің философия факультетінің ғимаратында болған атыс құрбандарын еске алу күні болып жарияланды. Шабуылдың салдарынан 14 адам қаза болды. Жұртқа оқ атқан 24 жастағы студенттің өзі де өлді. Бұл Чехияның қазіргі заманғы тарихындағы алғашқы қанды оқиға.
Сенбі күні бүкіл ел бойынша бір минут үнсіздік жарияланды. Қаза болғандарды еске алу үшін шіркеу қоңыраулары соғылды.
BREAKING: A moment of silence, followed by bells ringing, is held in Prague for the victims of Thursday’s mass shooting at a university.https://t.co/PAiZ4D1jU3📺 Sky 501, Virgin 602, Freeview 233 and YouTube pic.twitter.com/micpgRJHIn
— Sky News (@SkyNews) December 23, 2023
Әулие Вита соборында қаралы жиын болып, оған Чехия президенті Петр Павел мен өзге де басшылар қатысты.
Bohoslužba v katedrále sv. Víta za oběti střelby na @FF_CUNI.(📷 @jarozuzka / https://t.co/cBMRfmdQM4) pic.twitter.com/3Jm9qxnVQF
— iROZHLAS.cz (@iROZHLAScz) December 23, 2023
Zikmund 🔔 .. minuta ticha v katedrále sv Vita. 🏴 Upřímnou soustrast rodinám obětí 🕊️🌿🥺 #statnismutek pic.twitter.com/YnvoiLk9lt
— Hanka Opálková 🇨🇿 (@HOpalkova) December 23, 2023
Ойын-сауық шараларына тыйым салынып, Рождествоға арналған базарлардың жұмысы шектелді. Жұрт әр жерде ұйымдастырылған құрбандарды еске алу мемориалдарына гүлдер қойды. Атыстан қаза болғандардың отбасына және зардап шеккендерге қаражат жиналды.
Атыстан қаза болғандардың кейбірінің аты-жөні айтылды, арасында Музыкатану институтының жетекшісі Ленка Главкова бар. 25 адам жараланған, көбі ауруханада жатыр. Арасында Біріккен Араб Әмірліктерінен келген туристер де бар.
Шабуылдаушының жұртқа оқ атуға не түрткі болғаны белгісіз. Полиция оқиғаны қандай да бір террористік немесе экстремистік топпен байланыстырған жоқ. Дегенмен шабуылдаушы оқиғаға мұқият дайындалғанға ұқмайды: ол өзімен бірге бірнеше қару әкелген, оларды қолданып үлгермеген.
Полицияның мәліметінше, университеттегі атысқа дейін ол Прага түбіндегі үйде әкесін атып өлтірген. Полиция оны 15 желтоқсандағы екі адамның өліміне де қатысы бар деп санайды.