Ресей әуе шабуылынан кейінгі Алеппо

Алеппоның Бустан әл-Каср кварталында Азаттық тілшісі түсірген сурет.

Ресейлік әскери ұшақтар қазанның 11-і кешке Алеппоның тұрғын кварталдарына әуе соққыларын жалғастырды. Лондонда орналасқан Syrian Observatory for Human Rights ұйымының мәліметі бойынша, қазанның 12-іне қараған түні жасалған әуе шабуылынан Бустан әл-Каср ауданында қаза тапқан 25 бейбіт тұрғынның арасында балалар да бар.

Әуе шабуылы жасалған ауданда көшеде тұрған автокөлік.

Шабуылдан қираған тұрғын үйде жүрген құтқарушы.

Syrian Observatory for Human Rights ұйымының дерегі бойынша, Башар Асад армиясы мен ресейлік әскери ұшақтар операциялары басталғалы (қыркүйектің 12-і күні) бері Алеппода оппозиция бақылауындағы аудандарда қаза тапқан 290-ға жуық адамның көпшілігі бейбіт тұрғындар.

Әртүрлі деректер бойынша, қазір Алеппода қалған адам саны 250 мың - 275 мың шамасында.

Ресейлік әскери ұшақтар шабуылынан кейін қираған нысанның орнында жұмыс істеп жатқан техника.

Бустан әл-Карс ауданы тұрғындары көшені әуе шабуылынан бүлінген ғимараттың қирандыларынан тазартып жатыр.

Алепподағы көтерілісшілер бақылауындағы ауданның ресейлік әскери ұшақтардың кезекті шабуылынан кейінгі көрінісі.