Босния соғысының Дейтон бітімі
6 маусым 1992 жыл. Босния астанасы Сараево қаласын бомбалаған кезде жертөледе жасырынып отырған отбасы. Мұндағы ұрыстар БҰҰ бітімгершілігі нәтижесінде жасалған әуежайды ашу және серб жасақтарын қаладан шығару жөніндегі келісімге қарамастан жалғасып жатты.
8 маусым 1992 жыл. Сараево орталығындағы "Мергендер аллеясындағы" "егіз" ғимараттар жанып жатыр. Серб-босния комедиялық дуэтінің құрметіне Momo мен Uzeir атанып кеткен ғимараттар қатты бүлінгенімен, құлаған жоқ.
"Олимпиялық ауылдағы" мергендер оғына ұшпауға тырысқан әкесі мен баласы көпірде жүгіріп келеді. 4 қаңтар 1993 жыл.
Босниялық сербтер командирі Ратко Младич пен олардың лидері Радован Караджич 1993 жылы 5 тамызда Паледе өткен кездесуде отыр.
Босния сербтері 1993 жылы 31 наурызда қоршап алған Сребреница қаласынан БҰҰ әскерилері босниялық мұсылмандарды эвакуациялап жатыр. Осы қалада төрт айдан соң сегіз мыңнан астам мұсылман қаза тапты. Бұл Екінші дүниежүзілік соғыстан кейінгі ең ірі жаппай қыру оқиғасы болды.
Нидерландтың бітімгер жауынгерлері босниялық мұсылмандар жасақтарымен сөйлесіп тұр. 1 наурыз 1994 жыл.
Босния әскері жанармай тапшылығынан азық-түлікті ат арбамен тасуға мәжбүр болды. 5 қаңтар 1995 жыл.
Сребреницадағы мұсылмандар қырғынынан қашқан босқындарды БҰҰ әскері автобустарға отырғызып, Тузла әуежайына тасыды. Бұл адамдар - 11 шілде күнгі қырғыннан аман құтылған жандар. 14 шілде 1995 жыл.
16 қазан 1995 жыл. Адамдар 15 мәйітті бір жерге жинап жатыр. Серб әскері шегінгеннен кейін Боснияның солтүстік-батыс аумағынан көптеген мәйіттерді бір жерге көміп кеткен белгісіз бейіттер табылды.
Дейтон қаласындағы бейбіт келіссөздерге қатысқан (солдан оңға қарай) АҚШ-тың арнайы өкілі Ричард Холбрук, Хорватия президенті Франьо Туджман, Босния және Герцеговина президенті Алия Изетбегович, АҚШ мемлекеттік хатшысы Уоррен Кристофер, Сербия президенті Слободан Милошевич. 31 қазан 1995 жыл.
Дэйтон бітіміне қол қою. 21 қараша 1995 жыл.
Босниялық серб жастары бітімді тойлап жатыр. Банья-Лука, 21 қараша 1995 жыл.
Боснияның солтүстігіндегі Оджак қаласындағы қаңыраған үйін қимай отырған босниялық серб әйелі. Дейтон бітімі бойынша, бұл қала Босния үкіметінің қарауына өтті. Мұндағы 19 мың серб басқа аймаққа көшуге міндетті болды.
АҚШ-тың Бірінші армиясы көліктері Босния мен Хорватия арасында көпір салу үшін Славонски Бродқа қайықтар мен понтондар тасып жатыр. 13 желтоқсан 1995 жыл.
Босниялық серб әйел Мелица Сарич ұлы Велимирдің бейітінің басында тұр. Велимир соғыстың соңғы жағында Сараевода оққа ұшты. 24 желтоқсан 1995 жыл.