Азаттық тілшілеріне тағы да шабуыл жасалды

Алматыда қазақстандық адам құқығын қорғау және заңдылықты сақтау бюросына баспасөз жиынына қатысуға барған Азаттық пен өзге де БАҚ тілшілеріне белгісіз адамдар шабуыл жасады. Журналистер қатыспақшы болған жиынында ұйымдастырушылар елде тыйым салынған "Қазақстанның демократиялық таңдауы" қозғалысына (Қазақстан билігі сынаушы, қазір шетелде тұратын қуғындағы бұрынғы банкир Мұхтар Әблязов құрған) қатысы бар деген күдікпен тұтқындалған алматылық көп балалы ана Оксана Шевчук пен жалғызбасты аналар Гүлзипа Жәукерова мен Жазира Демеуованың үстінен қозғалған істердің мән-жайын айтпақшы болған еді. Баспасөз жиыны өтпей қалды.