Тарихшы: Билік НКВД қылмысын әлі ашқысы келмейді
Your browser doesn’t support HTML5
Тарихи деректерде 1938 жылғы ақпанның 25-і күні Алматыда совет билігінің үкімімен 39 адам атылғаны айтылған. Олардың 14-і Сәкен Сейфуллин, Темірбек Жүргенов тәрізді советтік Қазақстан үкіметінің мүшелері болған. Жалпы есеп бойынша, 1937-1938 жылдары Қазақстанда 125 мыңнан астам адам қуғынға ұшырап, 25 мың адам ату жазасына кесілген. "Халық жауы" атанғандардың басым бөлігіне "тыңшы" деген айып тағылған. Азаттыққа сұхбатында "Әділет" тарихи-ағарту қоғамының мүшесі, тарихшы Бейбіт Қойшыбаев "ОГПУ-НКВД жасаған қылмыс құпиясын билік әлі ашқысы келмейді" дейді.