"Журналистердің өміріне қауіп төндіретін әрекеттер басталды"

Шілденің 6-сы күні Нұр-Сұлтанда полиция адамдарды жаппай ұстап жатқан сәтті тікелей эфирде көрсетпек болған Азаттықтың түсірілім тобына қара киім мен маска киген белгісіз адамдар қолшатырмен камераны жауып, кедергі келтірген. Олар тілшілерге қоқаң-лоқы жасап, камераның штативі мен жарығын сындырған. Сол маңда жүрген полиция журналистерге жасалған кедергіні көре тұра шара қолданбады. "Әділ сөз" баспасөз құқығын қорғау ұйымының сарапшысы Ғалия Әженова "журналистерге кедергінің жаңа түрін қауіпті тенденция" дейді.