Маңғыстаудағы мереке
Маңғыстауда жұртшылық биыл да жылдағы дәстүр бойынша Ақтаудан жүз километрдей жердегі "Отпан тау" тарихи-мемориалдық кешенінде жиналып, Амал мейрамын тойлады.
Бұл күні тұрғындар бір-бірімен көрісіп амандасады, қыстан аман-есен шығуымен, жаңа жыл келгенімен құттықтайды.
Той басында бата беріп отырған ақсақалдар.
Батыс өңірде Амалды тойлаудан соң да "көрісу" мерекесі наурыз айы бойы жалғаса береді.
Амал күні Маңғыстау жұрты бір-бірінің үйлеріне қыдырып, қонақ болады. "Отпан тау" тарихи-мемориалдық кешенінде де дастархан жайылды.
Бұл күні қыз-келіншектер тойға жасанып, мерекеге сай ажарланып шығады.
Той дүрмегін күрес қыздыра түседі.
Немерелерін ойнатып отырған қариялар.
Отпан тауға көрісуге келген әйелдер.
Тұсау кесу.
"Отпан тау" тарихи-мемориалдық кешені.
Амал күні таң сәресінде Маңғыстау өңіріндегі "Өзенмұнайгаз" компаниясында да дастархан жайылып, мұнайшылар бір-бірін құттықтады.
"Өзенмұнайгаз" компаниясы бұрғылау жұмыстары басқармасында да жұмысшылар Амал мейрамын атап өтті.
Жұмыс күнін мұнайшылар мерекемен бастады.