Алғабастағы қариялар орталығы

Біршама уақыт бұрын көршілері Надежда Ивановнаны Asar орталығына әкелген екі зейнеткер орталық қызметін көріп қайтуға келген. Олардың сөзінше көршілері Надежда Ивановна пәтерінде көбіне жалғыз қалып, жағдайы болмаған. Алматы қаласы, Алғабас ықшам ауданы, 12 шілде 2016 жыл.

Asar орталығы жалдаған үй. Бұрын көп қабатты үйде тұрып келген қарияларға жер үй ұнаған. Аулаға шығу оңай. Үйде тұрмысқа қажетті жағдай жасалған. Орталық жетекшілері қарияларға жайлы болғандықтан, қала шетінде болғанына қарамастан осы үйді жалға алдық дейді. Алматы қаласы, Алғабас ықшам ауданы, 12 шілде 2016 жыл.

Asar орталығында отырған Зейнеп апа мен немересі Мая. Мая қазір күйеуімен Нидерланд мемлекетінде тұрады. Алматыға демалысқа келген. Әпкесі Саямен бірге көбіне ол осы орталықта жүреді. Мая Еуропада қарттар үйі де, қариялар күндіз болатын орталықтар да бар екенін айтады. Алматы қаласы, Алғабас ықшам ауданы, 12 шілде 2016 жыл.

Asar орталығын құрған Гүлнар Асанова (алда) мен орталық медбикесі Раушан Әмірханова. Гүлнар үйі Алматы орталығында болса да көбіне осында жүретінін айтады. "Жолдасым да, немерелерім де осында жиі келеді. Мұндағы әжелер сәбилерді сүйіп, олармен балаша ойнап мәз болады" дейді ол. Алматы қаласы, Алғабас ықшам ауданы, 12 шілде 2016 жыл.

Қариялар сағат 11-ге қарай жеңіл-желпі ас ішкен соң күтуші әрі медбике Раушан Әмірханова оларды ауладағы столға отырғызып, есте сақтау қабілетін қалпына келтіретін ойын ойнатады. Алматы қаласы, Алғабас ықшам ауданы, 12 шілде 2016 жыл.

Asar орталығындағы Зейнеп Айдарованың аяқ киімін немересі Мая кигізіп, аулаға шығарып барады. Зейнеп апа өзі сияқты егде кісілермен араласып, "жақсы болып қалғанын" айтады. Альцгеймер клиникасында емделген Зейнеп апа 87 жасқа шықса да ширақ көрінеді. Өмір бойы құрылыста жұмыс істегенін, тас қалаушы да, сылақшы да болғанын айтады. Алматы қаласы, Алғабас ықшам ауданы. 12 шілде 2016 жыл.

Asar орталығы жалдаған үйдің ауласы. Аулада қариялар демалатын сәкі, орындықтар бар. Ортадағы шағын гүлзарды кейде қариялардың өздері суарады. Алматы қаласы, Алғабас ықшам ауданы, 12 шілде 2016 жыл.