БАС ТАҚЫРЫПТАР

Қанды көтеріліс, атылған оқ, айтылмаған шындық — AzatNEWS l 06.01.2026

Қаралы Қаңтар көтерілісіне 4 жыл толды. Айтылмаған ақиқат, шешілмеген жұмбақ көп пе, аз ба? Тәуелсіз Қазақстан тарихындағы ең қанды оқиғаны Қазақстан ұмытқысы келе ме? Ресми түрде еске алмады. Қаңтарда жараланып, зардап шеккендердің кейбірі әлі соттасып жүр.

Көпвекторлы саясат және мұнай. Венесуэладағы оқиға Орталық Азия елдеріне қалай әсер етуі мүмкін?

Қаңтардың алғашқы күндері Венесуэла әлемдік басылымдардың бас тақырыбына айналды: АҚШ күштері Латын Америкадағы осы елдің басшысын ұстап алып, Нью-Йоркке алып кетті. Ол жерде оған «есірткі терроризмі» бойынша айып тағылған.

"Шындық әлі ашылмайды". Қаңтарда жақынынан айырылғандардың сөзі

Кемінде 238 адам қаза тапқан Қаңтар оқиғасына биыл төрт жыл толып отыр. Президент Қасым-Жомарт Тоқаев таяуда "Түркістан" газетіне берген сұхбатында Қаңтар оқиғасы бойынша "мән-жайдың белгілі болғанын" айтты. Туысынан айырылған адамдар "марқұмдар ісі бойынша күмән көп" дейді.

Мадуро жұбайымен бірге Нью-Йорктегі федералдық сотқа жеткізілді

Венесуэланың биліктен шеттетілген басшысы Николас Мадуро мен оның жұбайы Силия Флорес 5 қаңтар күні алғаш рет Нью-Йорктің федералдық сотына алдын ала отырысқа әкелінді. АҚШ ол екеуін 3 қаңтарда Каракаста жүргізген операция кезінде ұстап, Құрама Штаттарға жеткізген.

"Күйеуім жазықсыз өлді, атқандар табылмады". Қаңтарда қаза тапқандардың жақындары қалай күн кешіп жатыр?

2022 жылғы қаңтардың алғашқы күндері Жаңаөзеннен басталған наразылық тәртіпсіздікке ұласты. Ахуал ушыққан тұста Қазақстан президенті ескертусіз оқ атуды бұйырды. "Азаттық Азия" асыраушысынан айырылған, бірақ қылмысқа кінәлілерді жауапқа тартқыза алмаған отбасылармен сөйлесті.

Тоқаев Назарбаев туралы айтты. Президент сұхбатына шолу

Қазақстан президенті Қасым-Жомарт Тоқаев «Түркістан» газетіне сұхбат берді. Сұхбатта қамтылмаған тақырып кемде-кем. Елдегі билік транзиті, Назарбаевтың Мәскеу сапары, әскердегі әлімжеттік, көлік апаты, туризм, Қаңтар көтерілісі және өзге түрлі мәселе сөз болған. Маңызды тұстарын шолып өтейік.

Түркіменстанда сыни пікірінен соң із-түзсіз кеткен блогердің қабірі табылды

Түркіменстанда халықтың күнделікті көкейкесті мәселелеріне, әсіресе азық-түлік жағдайына көптің назар аударып, әлеуметтік желіде өткір сын айтқаннан кейін хабар-ошарсыз кеткен блогердің қабірі табылғаны расталды. Мұны 5 қаңтарда Азаттықтың Түркімен қызметі – Азатлық радиосы жазды.

Назарбаев пен Путин, Қаңтар, Сталин және билік транзиті. Тоқаевтың жаңа сұхбатында тағы не айтылды?

Журналисті экстремистке теңестірген заман. Орталық Азиядағы медиа мен авторларға ауыр тиген жыл

Халықаралық ұйымдар Орталық Азия елдеріндегі онсыз да өрісі шектеулі сөз еркіндігі барған сайын тарылып бара жатқанын айтады. Медиа мен интернетті бақылаудың жүйелі түрде күшеюі, журналистер мен белсенділерді қудалау аймақта тұрақты үрдіске айналған.

Ирандағы наразылықта қаза тапқандар көбейді, Трамп "көмекке келетінін" мәлімдеді

АҚШ президенті Дональд Трамп Ирандағы қатаң басып-жаншуға қарамастан көшеге шыққан наразылық білдірушілерді қолдайтынын мәлімдеді. Елдегі экономикалық қиындықтарға байланысты бес күннен бері жалғасып жатқан бұл наразылық салдарынан бірнеше адам қаза тауып, ондаған адам қамауға алынған.

Қытай көліктері Еуропаны жаулап ала ма? Көлік саласының мамандары дабыл қағып жатыр

Арзан әрі жетілген қытай көліктері Еуропа нарығына кіріп, ондағы автоиндустрия ардагерлері дабыл қағып жатыр.

Иран "толқудың жаңа кезеңіне өтті": наразылық Тегераннан тыс аймақтарға тарады