Шілденің 2-сі күні Байқоңырдан ұшып, апатқа ұшыраған «Протон-М» зымыран тасығышы құлаған тұсқа ең жақын аймақ – Қызылорда облысы Қармақшы ауданы. Жаңақала, Қуаңдария, Тұрмағамбет, Ақжар, Иіркөл ауылдары және аудан орталығы Жосалы кенті гептил төгілген орыннан 50-70 шақырым қашықтықта жатыр. Ал Байқоңыр қаласынан бетон қабырға бөліп тұрған Төретам кенті мен Ақай ауылдары апат болған жерге тіпті жақын. Азаттық тілшісі осы аймақтың тұрғындарымен кездесті. Видеоны түсірген - Асылхан Мамашұлы. Шілде, 2013 жыл.