Иранда атом электр станциясы орналасқан Бушер провинциясында магнитудасы 5,7 баллды құрайтын жер сілкінісі --> http://www.azattyq.org/content/news/25183751.html болған. Иран ақпарат құралдары зілзаладан жеті адам қаза тауып, кемінде 30 адам зардап шеккенін хабарлады. Жер сілкінісінің ошағы атом электр станциясынан 60 километр қашықтықта орналасқан. Сейсмикалық белсенді аймақта орналасқан Иранмен көрші араб мемлекеттері күшті жер сілкінісі болған жағдайда Бушер АЭС-де апат туындап, радиация тарауы мүмкін деп қауіптенеді.