Киевтің Тәуелсіздік алаңындағы наразылық шеруін 30 қарашада милицияның арнайы жасағы күшпен тарқатты. Оқиға куәгерлері алаңда билікке бейбіт түрде талап айтып тұрған адамдарды милиция жасағы резеңке таяқтармен ұрғанын айтады. Жұртты күшпен тарқатқан соң милиция алаңды бақылауына алды. Бірнеше жедел жәрдем көлігі тұрған алаң маңында кейбір адамдардың қолы-басында жарақат іздері байқалады. Осының қарсаңында Тәуелсіздік алаңына жиналған мыңдаған адам Еуропа Одағымен ассоциация келісіміне қол қоюдан бас тартқан президент Виктор Януковичтің отставкаға кетуін талап еткен еді. 30 қараша 2013 жыл.