БҰҰ Бас Ассамблеясы Украинадан Қырымның бөлінуі туралы референдумды заңсыз деп танитын қарарды көпшілік дауыспен қабылдады. БҰҰ-на мүше 193 мемлекеттің 100-і қарарды қолдап дауыс берді, 58 мемлекет қалыс қалып, 11-і құжатқа қарсылық білдірді. Қарсы болғандардың арасында Армения, Беларусь, Боливия, Венесуэла, Зимбабве, Куба, Никарагуа, Ресей, Сирия, Солтүстік Корея мен Судан бар. Қазақстан дауыс бергенде қалыс қалды.