Пікірталас: Назарбаевтың биліктегі 20 жылдығы
Нұрсұлтан Назарбаев – Қазақстанның ең соңғы коммунистік лидері әрі 18 жыл бойғы президенті: 20 жылда Қазақстанда жастар саясаты қаншалықты жетілді? Азаттық радиосы Қазақстанның қазіргі президенті Нұрсұлтан Назарбаевтың биліктегі 20 жылына қатысты арнайы хабарлар мен мақалалар тізбегін әрі қарай жалғастырады. Бүгінгі дөңгелек үстел «Нұрсұлтан Назарбаев – Қазақстанның ең соңғы коммунистік лидері әрі 18 жыл бірінші президенті: 20 жылда Қазақстанда жастар саясаты қаншалықты жақсарды?» деген тақырыпта өрбіді. Дөңгелек үстел талқылауына президент Нұрсұлтан Назарбаев бастаған «Нұр Отан» партиясының «Жас Отан» жастар қанатының атқарушы хатшысы Нұрлан Өтешев, «Абырой» жастар қоғамының жетекшісі Азамат Жетпісбаев және бейтарап маман ретінде «Рух және тіл» клубының сарапшысы Жанболат Мамай қатысты. Дөңгелек үстел сұхбатын Азаттық радиосының талдаушысы Сұлтан-Хан Аққұлыұлы жүргізді. Дөңгелек үстел әңгімесін мына жерден тыңдай аласыз: