Сарапшылар медициналық университеттерді тәмәмдаған студенттер көп жағдайда өз мамандығының қыр сырын білмей жатады дейді. Бұған осы салада болып жатқан түрлі реформалар кері әсерін тигізетін көрінеді. Сондай ақ олар дәрігерлердің жетіспей жатқанын алға тартты. Санжар Асфендияров атындағы Қазақ Ұлттық медицина университетінің резидентурасын жақын арада тәмәмдаған жас түлектің бірі Мақпал Айдарханова оқу барысында ең үлкен кемшін тұсы ретінде оқу орнының жеке клиникалық базасының жоқтығын атады. «Ертеңгі сабақ университетте, екінші сабақ Қалқаман ауруханасында, оған жету үшін талай уақыт кетеді. Ондағы дәрігерлердің қас қабағына қарап жүреміз. Санитар ретінде қызмет етеміз. Тәжрибені жеткілікті алмаймыз», деді ол.