Қазақ оппозициясы алдағы кезекті кезектен тыс президент сайлауына қатыспайды. Олардың пікірінше, егер қазіргі президент Назарбаев оппозициядан өзіне қарсы терезесі тең үміткер түспеген сайлауда жеңіске жетсе және кезектен тыс сайлау өткізуі оның абыройы мен халықаралық беделін түсіреді. Президент Назарбаевтың кеңесшісі Ермұхамет Ертісбаевтың мәлімдеуінше, сайлауға түсуге өтініштерін берген "ергежей үміткерлер" қазіргі президентпен тең бақталаса алмайды. Ал Ресейдің «Коммерсантъ» газеті алдағы сайлауда президент Назарбаев өзімен-өзі бәсекелеседі деп санайды. Оппозиция сайлауға бойкот жариялады. Билік енді не істейді? Президент Назарбаев өзінің «демократ» деген атынан айрылып қалмай ма? Міне осы мәселелерді Азаттық Радиосының орыс тілінде өткізген кезекті дөңгелек үстелінде Қазақстандағы бірқатар саяси партияның, оның ішінде билікшіл және оппозициялық партиялардың жетекшілері саралайды.