20 маусым бүкіләлемдік босқындар күні. Ұзақ жылдар бойы әр ел босқындар күнін өзінше атап өтіп келген болатын. 2001 жылы БҰҰ-ның бас ассамблеясының 55-ші сессиясында “Бүкіләлемдік босқындар күнін” Африка босқындар күнімен қатар атап өту туралы арнайы резолюция қабылдады. Өйткені босқындар мәселесі Африкада ерекше орын алған. 2002 жылы шілде айында Африка бірлігі ұйымы бұл шешімді мақұлдап, осы уақыттан бастап дүниежүзілік босқындар күні атап өткізіле бастады. БҰҰ-ның босқындар бойынша жоғарғы коммисары басқармасының 2010 жылдың желтоқсан айындағы мәліметтері бойынша әлемде зорлықпен көшірілгендер саны 43 млн, ел ішінде көшірілгендері 27,1 млн,  баспана іздегендері 983 мың адам. Кей деректер бойынша, дүниежүзінде 12 млн адамның азаматтығы жоқ. БҰҰ аталмыш басқармасы мұндай азаматтардың 6,6 млн-ын 60 елден тапқан.