Бейсенбі күні Ақтаудағы Жаңаөзен оқиғасы бойынша өтіп жатқан сотта айыпталушылардан жауап алу аяқталып, куәгерлерге кезек келген. Айып тағылып отырғандардың барлығы да өздерін қорлап, сабап-ұрғандарын айтып жатыр дейді сотты бақылап отырған азаматтар. Сотқа тартылып отырған Айжан Дүйсенбаева мен Мэлс Сарыбаевтың жауапта айтқан сөздері залда отырғандардың ешқайсысын да бейжай қалдыра алмады дейді Азаттыққа сот жайынан хабар берген қоғамдық белсенділер. Шетпе оқиғасы бойынша жалғасып жатқан сотты қадағалап отырған тілшіміз де телефон арылы ақпарат беретін болады. Қазақстанда мемлекеттік қызметтегі шенеуніктердің  интернетте әлеуметтік желілерге кіру еркіндігі шектелетін болады, бейсенбі күні бірқатар ақпарат агенттіктері осындай хабарлар таратты. Бұл қызметкерлердің уақытын тиімді жұмсауын және ақпараттық қауіпсіздікті қамтамасыз ету үшін жасалып отырған көрінеді. .