Германия үкіметінің өкілдері Қазақстан билігін  белгілі театр режиссері, Гете сыйлығының иегері Болат Атабаевты қамаудан босатуға шақырып отыр, қазақстандық өнер-мәдениет қайраткерлері де Атабаевты қылмыскер деп санамайды. 20 маусым – Дүнижүзілік босқындар күні, БҰҰ-ның өкілдері Қазақстанда жүрген босқындардың нақты санын айтпаса да, қазақ үкіметінің босқындар құқының сақталуына жағдай жасап отырғанына назар аударады. Ал бұл аралықта Польшадағы босқындар лагерінде Жаңаөзен оқиғасынан кейін елден қашып шыққан босқындар Азаттық радиосына хабарласты. 33 жыл бұрын Совет билігінің Қазақстанда неміс автономиясын құрмақшы болған әрекетіне қатысты құжаттардың барлығы әлі күнге жабулы күйінде қалып отыр дейді Азаттыққа сұқбат берген тарихшы.