Армения астанасы Ереванда Ресей елшілігі алдына жиналған наразылар полициямен қақтығысты. Қақтығыс жұрт Ресей туын өртемек болғанда басталған. Полиция Ресей туын наразылардан тартып ала алмаған. Туды өртей алмаған бұқара оны таптаған. 12 қаңтарда Гюрми қаласында алты адамның мәйіті табылды. Бұл қылмысқа күдікті ретінде танылған Валерий Пермяков 13 қаңтар күні Түркия шекарасында ұсталған еді. Армения прокуроры "бір отбасының алты адамын өлтірді" деп айыпталған ресейлік сарбазды Арменияға тапсыруды талап етуге уәде берді.