Алматы қаласының автобазарындағы көлік сатушылар Ресей рублінің құнсыздануына байланысты ол елден келетін көліктер көбейгелі баға күрт арзандағанын айтады. Кейбіреулері ескі көлігін сатып, Ресейден басқа көлік әкелуді ойлайды, бірақ жол бойын торитындарға ұсталамын ба деп қауіптенеді. Ал сарапшылар қарапайым адамдардың көлік тасымалының көбеюі қылмыстық топтардың да назарын аударуы мүмкін деп санайды. Алматы қаласы, 18 қаңтар 2015 жыл.